Ne kemi nevojë për reformë të plotë në drejtësi, duke përjashtuar arrestimet arbitrare dhe drejtësinë selektive. Të gjitha partitë politike duhet të angazhohen për reformën ligjore, kërkoi presidenti Rumen Radev në hapjen e konferencës “Antikorrupsioni dhe siguria kombëtare” në Sofje.

“Korrupsioni modern ka karakter të gjerë ndërkombëtar. Vetëm së bashku në bashkëpunim serioz, ndërveprim, shkëmbim informacioni, shkëmbim të praktikave të dobishme mund ta luftojmë këtë fenomen negativ”, theksoi Radev. Ai kujtoi protestat e vitit 2020, të cilat “treguan vullnetin kategorik të shoqërisë bullgare për të mbrojtur demokracinë dhe shtetin e së drejtës”.

Financat e shtetit janë stabile dhe pretendimet se do të ketë shkurtim të pagave dhe pensioneve apo ndryshim të kursit të levës ndaj euros janë padyshim spekulime, tha Radev. Për sa kohë që qeveria e përkohshme është në krye, Bullgaria nuk do t’i japë Ukrainës avionët e saj luftarakë, sistemet e raketave anti-ajrore, tanket dhe transportuesit e blinduar, shtoi presidenti.