Ka përfunduar përgatitja e një urdhërese për ndjekjen e çmimeve të ushqimeve përgjatë gjithë zinxhirit nga prodhuesi deri te tregtari final. Priten detajet përfundimtare nga Ministria e Ekonomisë dhe Financave për të dorëzuar dokumentin në Këshillin e Ministrave. Këtë e ka bërë të ditur ministri i bujqësisë Javor Geçev në protestën e prodhuesve të drithërave pranë fshatit Gorna Studena, njoftoi korrespondentja e BNR-së, Zdravka Masljankova. Po punohet mbi një softuer për një sistem unik, ku prodhuesit, importuesit dhe tregtarët do të duhet të deklarojnë gjithçka që lidhet me ushqimin. Parashikohet që çdo tregtar në zinxhir të duhet të regjistrojë të gjitha sasitë e ushqimit, pavarësisht se ku janë dërguar - në rrjetin e dyqaneve, bursa, si dhe informacionin e çmimeve.

• Filluan kontrollime të zinxhirëve të mëdhenj të shitjes me pakicë për kartel