Ansambli “Pirin” – Bllagoevgrad përgatiti një koncert me titull “Unë jam Pirini” për nder të 90 vjetorit të lindjes së kompozitorit të shquar, dirigjent dhe udhëheqës shumëvjeçar të ansamblit Prof. Kirill Stefanov. Shfaqja do të mbahet në ditëlindjen e tij - 28 mars në skenën e Teatrit Muzikor në Sofje. Në të do të marrin pjesë edhe Ansambli Verior i Këngëve dhe Valleve Popullore “Ivan Vëlev” - Pleven, si dhe talente nga Shkolla Kombëtare e Artit të Vallëzimit në Sofje dhe Akademia e Muzikës, Valleve dhe Arteve Figurative “Prof. Asen Diamandiev” - Plovdiv.
Krijimtaria e prof. Kirill Stefanov përfshin forma të llojllojshme: nga suita të mëdha mbi motive popullore tek muzika për shfaqje teatrale etj. Ishte ai që e zgjodhi spektaklin si një formë e prezantimit të folklorit bullgar.
Mori pjesë me veprat e tij dhe interpretimet e Ansamblit “Pirin” në albumin e dytë të producentit të njohur zviceran Marcel Sellier “Misteri i zërave bullgarë”, i vlerësuar me çmimin e lartë ndërkombëtar “Grammy” për vitin 1991.
Përveç kompozitorit, dirigjentit, regjisorit dhe pedagogut, Prof. Kirill Stefanov është edhe një nga mbrojtësit më të zellshëm të ruajtjes dhe popullarizimit të folklorit duke e prezantuar atë në kombinim me artin bashkëkohor.
Me këngën popullore “Thuaj, Rajne” të aranzhuar nga prof. Kirill Stefanov po transferohemi në trojet e bukura të Bullgarisë Jugperëndimore. Interpretojnë Grupi Vokal “Pirinki” dhe Ansamblin “Pirin”. Kjo është zgjedhja e Radio Bullgarisë për rubrikën “Kënga e ditës” më 28 mars.
Përgatiti në shqip: Svetllana Dimitrova
Muzika e këngëtares DARA është po aq shumëngjyrëshe sa ajo. Dhe këtë e vërteton edhe kënga e saj e fundit "Vjedhësi i ëndrrave". Në të, këngëtarja e re zhvillon një dialog të sinqertë me kritikun e saj të brendshëm - atë zë që shpesh na qorton dhe na..
Këngëtarët bullgarë të operës dalin në skenë për të nderuar Boris Hristovin në 110-vjetorin nga lindja e tij. Të mishëruar në role emblematike të këngëtarit të madh, por edhe me një dozë ngacmimi artistik, ata do të kujtojnë triumfet e tij botërore me..
Mihaella Marinova, e cila është ndër këngëtaret e reja më të suksesshme bullgare, realizoi një album të ri. Ajo prezantoi koleksionin prej dhjetë këngësh me një turne në qytetet më të mëdha të Bullgarisë. Titulli i albumit “Flutura e Zezë” flet për..
U lëshua “Libri i këngëve të BE-së” (EU Songbook), i cili përmban 6 këngë nga secili prej 27 shteteve anëtare të BE-së, transmeton BTA. Përzgjedhja e..
Violinistja Iskrena Jordanova prej tridhjetë vitesh jeton në Lisbonë. Gjithçka që ajo bën si muzikante është e lidhur me muzikën barok. Një pjesë të madhe..
Pjesërisht me re
Vranësira të dendura
Mot i kthjellët