Bisedimet për formimin e qeverisë tashmë kanë filluar, të paktën midis GERB-SDS dhe "Bullgarisë Demokratike". Për momentin nuk marrin pjesë përfaqësues të “Po e vazhdojmë ndryshimin”. Këtë e ka bërë të ditur për BNR ish-deputeti i “Po e vazhdojmë ndryshimin”, Ivan Hristanov, i cili ka qenë edhe zëvendësministër i bujqësisë në qeverinë e Kirill Petkovit. Si burim i informacionit, Hristanov tregon "një ministër në detyrë nga qeveria e përkohshme".

Hristanov, i cili është një nga themeluesit e “Po e vazhdojmë ndryshimin”, por u largua nga partia para votimit të fundit parlamentar, komentoi se është i tronditur nga thirrjet publike për shkëputje të udhëheqjes së formacionit. Sipas politikanit që po përpiqet të krijojë një parti të re, “nuk do të ketë fitues në këtë lojë” të përçarjes në kryesinë e “Po e vazhdojmë ndryshimin”.

• Rezultatet përfundimtare: Gjashtë parti hyjnë në parlamentin e ri