Bullgaria qëndron fort pas sovranitetit dhe tërësisë territoriale të Ukrainës, tha ministri në detyrë i mbrojtjes Dimitër Stojanov në një takim me ambasadoren e re të Ukrainës në Sofje, Olesja Illashçuk. Ministri e informoi ambasadoren për vendimet e parlamentit bullgar për ndihmën humanitare, ushtarako-teknike dhe ushtarake për Ukrainën. “Vendi ynë merr pjesë edhe në misionin EUMAM të BE-së. Jemi gati për trajnimin e mjekëve luftarakë dhe presim kërkesat e palës ukrainase”, shpjegoi Stojanov.

Illashçuk falënderoi për ndihmën e dhënë nga Bullgaria dhe për mbështetjen për integrimin evropian dhe euroatlantik të Ukrainës. Ajo theksoi se Kievi ka qenë gjithmonë një partner besnik i Bullgarisë dhe shprehu shpresën për vazhdimin e bashkëpunimit efektiv dypalësh.