Ditën e martë, më 18 prill, do të vazhdojnë bisedimet mes formacioneve politike, një ditë para fillimit të javës së punës së parlamentit të ri. Nisma është në grupin më të madh parlamentar - GERB-SDS. Të hënën, grupet e punës të forcës së parë politike në parlament dhe të dytë të koalicionit “Po e vazhdojmë ndryshimin-Bullgaria Demokratike” diskutuan reformën në drejtësi dhe anëtarësimin e Bullgarisë në Eurozonë dhe në zonën Shengen. Në takimin e së hënës nuk u bisedua për formimin e kabinetit, thanë pjesëmarrësit në negociata.

GERB-SDS të martën do të takohet me përfaqësuesit e “Vëzrazhdane”. Të dy formacionet do të diskutojnë për zgjedhjen e kryetarit të Kuvendit Popullor.