Shoqata e Prokurorëve u dërgoi letra institucioneve në SHBA dhe BE. Ata “dënojnë rreptësishtë presionin e paligjshëm të ushtruar mbi magjistratët bullgarë”. Një letër e ngjashme u dërgua pak ditë më parë nga Dhoma e Hetuesve.

Shoqata thekson se arsyeja e letrave janë tentativat për diskreditimin e organeve të drejtësisë dhe magjistratëve të veçantë, përfshirë kryeprokurorin, nga grupe kriminale, politikanë, të pandehur dhe persona të akuzuar, disa prej të cilëve fshihen nga drejtësia bullgare në vendet e huaja. Prokurorët deklarojnë se nuk mund të qëndrojnë të paangazhuar kur për më shumë se 2 vjet në Bullgari “jemi dëshmitarë të orvatjeve të vazhdueshme për ndërhyrje të drejtpërdrejtë të pushtetit ekzekutiv në punën e gjyqësorit”, thuhet në dokument.