Juliana Janeva fitoi medaljen e parë të artë për Bullgarinë në Kampionatin Evropian të Mundjes në Zagreb, me rezultat 10:3 ndaj ukrainases Alla Belinska në finalen e kategorisë deri në 68 kg. Janeva u bë kampione e padiskutueshme në Zagreb me një epërsi vendimtare prej 7 pikësh në të gjitha ndeshjet me rivalet e saj. Kështu, bullgarja arriti në finale, ku u takua me Belinskën në pritje të një revanshi. Ukrainasja e kishte mundur në finale dy vite më parë, kur të dyja luftonin në kategorinë 72 kg. Janeva kishte një medalje të argjendtë nga Varshavë 2021 dhe një të bronztë nga Budapesti 2022 në 72 kg, dhe tani ajo garoi pasi kishte tejkaluar një dëmtim të rëndë.

Ndërkohë, në fund të javës Mimi Hristova fitoi akoma një medalje të artë për Bullgarinë në Kampionatin e Mundjes në Zagreb në kateogorinë deri në 65 kg, duke mundur Irina Ringaçi nga Moldavia.