Anëtarësimi në Shengen deri në fund të vitit është ndër prioritetet kryesore të Bullgarisë. Vendi ynë vlerëson shumë mbështetjen e Parlamentit Evropian për këtë temë. Këtë e deklaroi kryetari i Kuvendit Popullor, Rosen Zheljazkov, në një takim me kryetaren e Parlamentit Evropian, Roberta Mecolla, në kuadër të Konferencës së Kryetarëve të Parlamenteve të Shteteve Anëtare të Bashkimit Evropian në Pragë të Çekisë. Zheljazkov theksoi se anëtarësimi ynë në Shengen do të kontribuojë për sigurinë dhe unitetin në BE dhe do të jetë në dobi të qytetarëve dhe bizneseve bullgare. Ai shtoi gjithashtu se Bullgaria iu shpreson mbështetjes së Komisionit Evropian dhe partnerëve për forcimin e kufirit bullgaro-turk, siguria e të cilit është e një rëndësie të madhe për të gjitha vendet evropiane.