Nënkryetari i GERB Tomisllav Donçev tha se në mënyrë që GERB-SDS të heqë dorë nga mandati i parë në favor të koalicionit “Po e vazhdojmë ndryshimin - Bullgaria Demokratike” (PP-DB), duhet të kenë garanci të sigurta se do të formohet një qeveri me mandatin e dytë. Jashtë sallës parlamentare, i pyetur nëse GERB është gati me përbërjen e vet të Këshillit të Ministrave, Donçev u përgjigj: “Kemi personel, ekspertizë dhe përvojë. Jemi gati me më shumë se një formacion”.

Nikollaj Denkov, deputet nga PP-DB, tha se koalicioni është në gjendje të propozojë përbërjen e qeverisë, por për momentin nuk është gati të diskutojë për emra. Nga fjalët e tij u bë e qartë se PP-DB aktualisht është duke punuar mbi një program menaxhues të qeverisë.

DPS, ITN dhe BSP janë gati për negociata nëse ftohen.

• GERB i kërkoi PP-DB-së të paraqesë opsionin e tyre për qeverinë