Pas një takimi lidershipi të mbajtur sot mes GERB-SDS dhe “Po e vazhdojmë ndryshimin - Bullgaria Demokratike” (PP-DB), u bë e qartë se të dyja palët nuk janë afër arritjes së një konsensusi. Në vend të një programi të menaxhimit të përbashkët nga forca e dytë parlamentare, PP-DB punojnë për një programe të vet me një periudhë të kufizuar veprimi - 18 muaj. Këtë e bëri të ditur përfaqësuesi i vetëm i PP-DB-së në takim, Nikollaj Denkov, ndërsa i pranishëm ishte një grup i tërë nga forca e parë parlamentare. GERB-SDS vendosi kusht që deri në fund të javës t’i prezantohet përbërja dhe struktura e Këshillit të Ministrave. “Nëse kjo nuk ndodh brenda afateve të caktuara, do të kemi të gjitha arsyet të besojmë se PP-DB nuk e merr seriozisht formimin e shumicës së përbashkët dhe qeverisë”, tha kryetarja e grupit parlamentar GERB-SDS, Desisllava Atanasova.

• Për të refuzuar mandatin e parë, GERB-SDS kërkon garanci për një kabinet me të dytin