Shërbimi Federal i Sigurisë i Rusisë njoftoi se parandaloi një sërë atentatesh terroriste kundër administratës pro-ruse në gadishullin e Krimesë. U  arrestuan shtetas të Rusisë dhe Ukrainës, njëri prej tyre ka edhe pasaportë bullgare. Sipas versionit të shërbimit, grupi planifikoi vrasjet e kreut të Krimesë Sergej Aksjonov, kryetarit të parlamentit rajonal Vlladimir Konstantinov dhe kryetares së bashkisë së Jaltës Janina Pavlenko. Roman Mashovec, një oficer rezervë i inteligjencës ushtarake të Ukrainës dhe nënkryetar i zyrës së presidentit ukrainas, tregohet si organizatori i drejtpërdrejtë i sulmeve. Eksplozivat u dërguan në Rusi nga Bullgaria nëpërmjet Turqisë dhe Gjeorgjisë përmes kompanisë bullgare të ukrainases Marina Matushçak. Një person me mbiemrin Petranov, për të cilin njoftohet se ka nënshtetësi ukrainase dhe bullgare, ishte përgjegjës për dërgimin në territorin rus. Informacioni është nga korrespondenti i BNR në Moskë, Angell Grigorov.