Atentati kundër prokurorit të përgjithshëm Ivan Geshev nuk ishte i inskenuar. Kështu tha zëvendësdrejtori i Shërbimit Hetimor Kombëtar, Jasen Todorov. Këtë ai e tha para tre televizioneve kombëtare, duke përgënjeshtruar “thashethemet e qarkulluara në disa media dhe rrjete sociale”. Sipas tij, incidenti po shfrytëzohet për qëllime politike. Ka për t’u bërë një hetim të gjatë dhe kompleks përpara dhe rezultatet e ekspertizave janë ende në pritje, tha ai, duke refuzuar të japë detaje rreth hetimit për shkak të nivelit të lartë të konfidencialitetit. “Geshev ishte jashtëzakonisht me fat që voziste në një automjet të blinduar. I përgatitur me kujdes, që prej kohe”, komentoi Todorov.

Ndër ata që dyshojnë në versionin zyrtar është edhe ish-ministri i brendshëm, Bogomill Bonev, i cili komentoi se shpërthimi ishte jashtë rrugës në një shpat në drejtim të kundërt dhe se është e çuditshme që me një shpërthim prej 3 kg ekuivalenti të tritolit nuk ka gropë në vend, por “vetëm copa bari të kositur”.

• Prokurori i Përgjithshëm ka qenë objektiv i një atentati, sipas hetimeve