Propozimi i anëtarëve të Kolegjiumit të Prokurorisë drejtuar Këshillit të Lartë Gjyqësor për lirimin e parakohshëm të prokurorit të përgjithshëm Ivan Geshev u pranua pozitivisht në Kuvendin Popullor.

Para gazetarëve në Kuvendin Popullor, deputeti i PP-DB-së Atanas Sllavov komentoi se ky vendim do ta përshpejtojë lirimin e kryeprokurorit dhe nuk do të ndikojë në vendimin e PP-DB-së që të mos mbështesë një qeveri të GERB-SDS me mandatin e parë.

Nga ana e tij, kryetari i Kuvendit Popullor Rosen Zheljazkov nga GERB bëri thirrje që çdo veprim t’u nënshtrohet rreptësishtë ligjeve dhe Kushtetutës së vendit, sepse e kundërta, edhe nëse arsyetohet shumë mirë politikisht, do të sjellë precedentë.

Kreu i “Vëzrazhdane” Kostadin Kostadinov u shpreh mjaft skeptik dhe komentoi se kjo bëhet që PP-DB të mos mbështesë GERB-in, pasi kjo është kërkesa kryesore e forcës së dytë politike.

Nga ana e tij, deputeti i ITN-së Filip Stanev përshëndeti propozimin e anëtarëve të Kolegjiumit të Prokurorëve për lirimin e parakohshëm të prokurorit të përgjithshëm.

• Këshilli i Lartë Gjyqësor kërkoi dorëheqjen e kryeprokurorit Ivan Geshev
• Pse GERB ndryshoi papritur qëndrimin e vet ndaj Prokurorit të Përgjithshëm të cilin e mbronte vazhdimisht?