Një nga kompanitë më të mëdha jordaneze në industrinë e minierave është e interesuar për një partneritet në këtë sektor në Bullgari. Kryetari i Bordit të Drejtorëve të kompanisë dhe ish-zëvendëskryeministri i vendit, Mohammad Thneibat, na vizitoi për të studiuar mundësitë e investimit.
Në takimin me ministrin bullgar të ekonomisë, Nikolla Stojanov, u diskutuan mundësitë konkrete për projekte të përbashkëta mes dy vendeve, të cilat do të kontribuojnë më tej në thellimin e marrëdhënieve tregtare dhe ekonomike ndërmjet Evropës dhe Lindjes së Mesme. Vendi ynë “ka një industri shumë të zhvilluar të prodhimit dhe përpunimit dhe kam besim se këtu do të gjeni partnerët e duhur, konkurrues në nivel botëror”, theksoi ministri Stojanov. Mohammad Thneibat ka ftuar një delegacion biznesi bullgar të vizitojë Jordaninë, si dhe të fillojë punën për idenë e një investimi të përbashkët në impiante për prodhimin e plehrave kimike.
Kompania jordaneze rednitet si eksportuesi i dytë më i madh dhe prodhuesi i gjashtë më i madh i fosfatit në botë, me një kapacitet prodhues prej mbi 7 milion ton fosfat në vit.
Autor: Joan Kolev
Përgatiti në shqip: Kostandina Bello
Në muajin maj, situata ekonomike në vend është përmirësuar për të dytin muaj radhazi. Përmirësim ka pasur në tregtinë me pakicë, ndërtim dhe shërbime, por ka pasur rënie në industri. Në ndërtim, industri dhe në sektorin e shërbimeve nuk pritet..
Banka Kombëtare Bullgare (BNB) publikoi "Rishikimin e masave të vendosura për rreziqet me të cilat përballet sistemi bankar", nga kreditë e siguruara me hipotekë për banesat dhe pasuritë e paluajtshme. “Shqetësime të tilla kanë arsye serioze duke..
Agjencia ndërkombëtare e vlerësimit Standard&Poor's (S&P Global Ratings) konfirmoi vlerësimin afatgjatë dhe afatshkurtër të kreditit të Bullgarisë në monedhë të huaj dhe vendase 'BBB/A-2'. Perspektiva për vlerësimin mbetet pozitive...