Deljan Peevski, një deputet nga Lëvizja për të Drejtat dhe Liritë (DPS) i sanksionuar sipas Ligjit Magnitsky, u bë anëtar i Komisionit Parlamentar për Çështjet Kushtetuese, duke zëvendësuar Gjuner Ahmedin nga e njëjta parti.

• Prokuroria ndërpreu hetimet nga lista “Magnitsky” kundër Deljan Peevskit

• I doli tymi perandorisë së Deljan Peevskit

109 deputetë votuan “pro” ndryshimit, 67 ishin “kundër” dhe 8 abstenuan. Kandidatura e Peevskit u mbështet nga GERB-SDS, DPS dhe "Ka një popull të tillë" (ITN). Përfshirja e Peevskit në komisionin, i cili duhet të përpunojë ndryshimet në Kushtetutë, shkaktoi tension të mëtejshëm në sallën plenare dhe u desh të shpallej pauzë për qetësimin e pasioneve. Deputetët e partisë “Vëzrazhdane” nuk morën pjesë në votim, ndonëse hyrjen e Peevskit në komision e quajtën “pagesë të natyrshme për martesën me interes, e cila u lidh dje me qeverinë e rregullt të GERB-SDS dhe “Po e vazhdojmë ndryshimin – Bullgaria Demokratike (PP-DB)”.

• SHBA-ja shtoi bullgarë të rinj të sanksionuar në listë sipas Ligjit “Magnitsky”