Përmbledhja "Këngë të zgjedhura nga repertori i Kiçka Savovës" paraqet 20 shembuj emblematikë të folklorit bullgar të Krahinës së Trakisë, të interpretuara nga këngëtarja e njohur. Edicioni do të shpërndahet pa pagesë në vendin tonë - në institucionet arsimore ku studiohet muzika popullore bullgare.
Paraqitjen e tij ia detyrojmë fondacionit "Kiçka Savova", misioni kryesor i të cilit është të mbështesë pjesëmarrësit e rinj në Festivalin e përvitshëm Ndërkombëtar Folklorik "Me këngët e Kiçka Savovës" jo vetëm gjatë konkursit, por edhe në zhvillimin e tyre të mëtejshëm. Këngët janë përpunuar për këndim dhe piano nga Georgi Andreev, drejtor i Ansamblit Folklorik Kombëtar "Filip Kutev". Kompozitori do ta prezantojë përmbledhjen më 18 qershor në orën 13:00 në sallën e Ansamblit Folklorik "Trakia" - Plovdiv, menjëherë para koncertit final të pjesëmarrësve në master klasë, të udhëhequr nga Darina Sllavçeva. Kujtojmë se Darina është soliste e Ansamblit Folklorik "Trakia", mësuese e këndimit popullor në Akademinë Kombëtare të Muzikës "Prof. Panço Vlladigerov" në Sofje dhe mbi të gjitha - një nga nxënëset më të talentuara të Kiçka Savovës. Master klasa, të cilin ajo e mban për të tretin vit radhazi, është për laureatët e festivalit folklorik ndërkombëtar me emrin Kiçka Savova. Aktiviteti kushtuar veprës së këngëtares popullore, e cila la gjurmë me repertorin e pasur dhe përkushtimin e saj të parezervë ndaj traditës folklorike trake, këtë vit u zhvillua në gjysmën e dytë të majit. Ndër laureatët që u përfshinë në klasën master janë: Viktoria Taneva, Teodora Evtimova, Maria Hristova, Pllamena Manollova, Bllagovesta Georgieva, Jehaja Dimitrova, Nevena Koleva dhe Maria Kënçeva. Pas prezantimit të përmbledhjes, fëmijët e talentuar do të performojnë koncertin e tyre gala, me të cilin tradicionalisht përfundon master klasa.
Në videon e mëposhtme do të dëgjoni këngën “E kam dëgjuar, o i dashuri im, e kam kuptuar”. Është një histori e përjetshme e treguar bukur - për dashurinë e pamundur të dy të rinjve.
Përgatiti në shqip: Vesella Mançeva
Disa ditë para se të festojë ditëlindjen, Mihaella Fileva u dhuron fansave të saj një dhuratë - videoklipin e saj më të fundit "Heroi i dopaminës". Përveç një ngarkese të fuqishme energjie dhe një tingulli modern, kënga përcjell edhe një mesazh..
Një festë kushtuar pasurisë së folklorit bullgar do të zhvillohet në kuadër të "Festivalit Evropian të Muzikës". Nxënës nga Akademia Kombëtare e Muzikës “Prof. Panço Vlladigerov” - interpretues të rinj të talentuar të muzikës popullore bullgare, do..
Aktorja dhe këngëtarja e re Violina Doceva është gati me këngën e saj të re "Kujtimi". Ajo shkroi tekstin dhe krijoi muzikën së bashku me Denis Popstoev, i cili është gjithashtu autori i aranzhimit. "Kujtimi" është një histori thellësisht personale..
Më 17 maj 2025, në orën 19:00, salla "Bullgaria" në Sofje do të jetë mikpritëse e vizitës së parë historike të Orkestrës së Filarmonisë së Kosovës...
Edhe pse e njohim Boris Ilievin prej shumë vitesh si këngëtar, ai vetëm tani ka aranzhuar dhjetë këngë të tij në albumin e tij të parë si autor "Për ty"...
Vajzat nga trioja VIVA – Viktoria Çeshmexhieva, Joana Velikova dhe Viktoria Ehijanova – patën një vit jashtëzakonisht të frytshëm: publikuan albumin..
Reshje
Reshje të shkurta
Reshje intensive