Në një letër drejtuar liderëve dhe institucioneve evropiane, presidenti Rumen Radev bëri thirrje që anëtarësimi i Republikës së Maqedonisë së Veriut në BE të bazohet në përmbushjen e kritereve të anëtarësimit dhe jo në politikë lobiste. Sipas Radev, vendet anëtare të BE-së mund të ndihmojnë që proceset integruese të Maqedonisë së Veriut të fokusohen në respektimin e të drejtave të njeriut dhe parimet e fqinjësisë së mirë. “Në vend që të punojë për të përmbushur kushtet, Shkupi edhe një herë po mbështetet në lobim aktiv për të fshehur mungesën e vullnetit politik për të përmbushur kriteret e anëtarësimit. Sulmet dhe gjuha e urrejtjes kundër Bullgarisë po intensifikohen, “lista të zeza” po përhapen për ndalimin e hyrjes së shtetasve bullgarë, po bëhen më të shpeshta rastet e dhunës fizike, kërcënimeve administrative dhe gjyqësore të njerëzve me vetëdije bullgare dhe kërcënime të vazhdueshme për vendet e tyre të punës, vetëm se janë bullgarë. Kjo atmosferë pengon shumë zhvillimin e lidhjeve tregtare, ekonomike dhe kulturore mes dy vendeve”, thekson presidenti

• Nënpresidenti bëri thirrje për një takim të qeverive të bullgarisë dhe të Maqedonisë së Veriut