Bullgaria duhet të ketë prioritet reformimin e shërbimeve të saj të sigurisë dhe largimin e agjentëve të mbështetur nga Moska nëse shpreson të ketë sukses në planet e saj ambicioze për të çrrënjosur krimin e organizuar dhe korrupsionin. Kështu ka thënë në një intervistë për “Politico” Kirill Petkov, bashkëkryetar i partisë në pushtet “Po e vazhdojmë ndryshimin”. Hapi i parë është ndryshimi i ligjit dhe emërimi i drejtuesve të shërbimeve individuale nga parlamenti dhe jo nga presidenti. Si një hap i dytë, Petkov dëshiron të kontrollohen të gjithë punonjësit në aparatin e sigurisë përmes "testeve të ndjeshmërisë dhe etikës". Kur hymë në luftën kundër korrupsionit, nuk e dinim se do të luftonim drejtpërdrejt me Moskën, por doli të ishte e njëjta luftë”, tha politikani.