Tre muaj pas fillimit të punës Legjislatura e 49-të e Kuvendit Popullor zgjodhi udhëheqësit e 22 nga gjithsej 25 komisione të përhershme parlamentare. Numri më i madh i komisioneve - 14, do të kryesohen nga GERB-SDS, DPS  do të drejtojë 5 dhe PP-DB - 3 komisione. “Vëzrazhdane”, BSP dhe “Ka një popull të tillë” bojkotuan procedurën, refuzuan të emëronin përfaqësues të tyre dhe u larguan nga salla, duke akuzuar shumicën për marrëveshje të prapaskenës.

Lideri i GERB-it Bojko Borisov drejtoi komisionin për politikë të jashtme, ndërsa bashkëkryetari i PP Kirill Petkov - komisioni për çështjet e BE-së. Ndër komisionet e drejtuara nga GERB janë ata për çështje kushtetuese me kryetar Radomir Çollakov, për kontrollin e shërbimeve me në krye Daniell Mitov dhe për mbrojtjen e kryesuar nga Hristo Gaxhev. Komisioni i buxhetit do të kryesohet nga Jordan Conev nga DPS.