Banka Bullgare për Zhvillim (BBR) nënshkroi një marrëveshje për 175 milionë euro me Bankën Evropiane të Investimeve (EIB). Në kuadër të programit InvestEU u lidh gjithashtu një kontratë garancie midis Bankës së Zhvillimit dhe Fondit Evropian të Investimeve. Qëllimi i marrëveshjeve është të mbështesë ndërmarrjet e vogla dhe të mesme bullgare, veçanërisht ato me një profil më të rrezikshëm dhe pamundësi për të siguruar kolateral, njoftoi reporterja e BNR, Marta Mlladenova. Ministri i Financave Asen Vasilev deklaroi se me këtë “në kohën e rritjes së normave të interesit, ndërmarrjet e vogla dhe të mesme bullgare do të kenë qasje në kredi me norma më të ulëta interesi, në mënyrë që të mos dëmtohen programet e tyre investuese”.