NATO dënoi sjelljen “e rrezikshme” të Rusisë në Detin e Zi dhe përpjekjet ruse për të bllokuar eksportet e grurit të Ukrainës. Aleanca thekson se “zona paralajmëruese” e re ruse prek ujërat territoriale të Bullgarisë, e cila është anëtare e Aleancës, njofton BTA.

“Zona e re detare e rritjes së kërcënimit ushtarak” e krijuar nga Rusia mbulon ujërat në zonën ekskluzive të Bullgarisë, e cila është anëtare e NATO-së. Kjo “ngre rreziqe të reja keqkuptimesh dhe përshkallëzimi”, paralajmëron Aleanca.

“Rusia mban përgjegjësinë e plotë për veprimet e saj të rrezikshme dhe për përshkallëzimin në rajonin e Detit të Zi”, tha sekretari i përgjithshëm i NATO-së, Jens Stoltenberg. “Veprimet e Rusisë paraqesin një rrezik të madh për stabilitetin në Detin e Zi, i cili është me rëndësi strategjike për NATO-në.

Aleatët po forcojnë mbështetjen e tyre për Ukrainën dhe po rrisin vigjilencën e tyre. Ne mbetemi të gatshëm të mbrojmë çdo centimetër të territorit aleat nga çdo agresion”, theksoi Stoltenberg.