30-40% e maqedonasve pajtohen që bullgarët duhet të përfshihen në kushtetutën e Maqedonisë së Veriut për të garantuar të drejtat e tyre njerëzore dhe civile. Janë shumë më tepër se sa pritej me fushatën brutale antibullgare që po zhvillohet në vend, tha për BNR, Vlladimir Perev, gazetar i faqes “Tribuna.mk”. Sot Bullgaria po paguan çmimin e heshtjes së saj politike për çështjen maqedonase pas vitit 1934 dhe kjo u pranua nga Shkupi “si miratim për veprime të pandëshkuara antibullgare”, mendon gazetari. Dy popujt nuk u larguan, madje po afrohen më shumë me njëri-tjetrin. Po njihemi sërish, njerëzit e thjeshtë po i njohin edhe një herë rrënjët, të kaluarën dhe historinë e tyre bullgare. Rruga drejt anëtarësimit të Maqedonisë së Veriut në BE është e vështirë dhe e dhimbshme. Shumica e politikanëve që e quajnë veten maqedonas etnikë nuk duan integrim evropian, por manovrim mes Rusisë dhe BE-së, thotë Perev.