SHBA planifikon të thellojë bashkëpunimin e saj me Bullgarinë, Moldavinë, Gjeorgjinë, Ukrainën dhe Rumaninë. Kjo duket qartë nga Ligji i Sigurisë së Detit të Zi (Black Sea Security Act)i prezantuar në Kongresin e SHBA. Në dokument thuhet se prioritet do të jenë aktivitetet si inteligjenca dhe monitorimi i operacioneve ruse në rajonin e Detit të Zi, krijimi i një shtabi ndërkombëtar përgjegjës për planifikimin, përgatitjen, zbatimin dhe koordinimin e forcave ushtarake shumëkombëshe, lufta kundër dezinformatave ruse. Dokumenti njeh rajonin e Detit të Zi si një arenë të agresionit rus dhe deklaron se është në interesin e Shteteve të Bashkuara të mbështesin përpjekjet për të parandaluar përhapjen e mëtejshme të konfliktit të armatosur në Evropë.