Çdo i dyti person që ka marrë nënshtetësinë bullgare me procedurë të thjeshtuar për shkak të meritave speciale ndaj shtetit është sportist. Kështu kuptohet nga përgjigja e ministrit të drejtësisë Atanas Sllavov ndaj një pyetjeje të deputetes Kristina Petkova. Ajo e pyeti edhe ministrin e sportit, Dimitër Iliev, se ku ka garuar secili prej sportistëve që kanë marrë nënshtetësinë bullgare me procedurë të thjeshtuar dhe ku janë aktualisht, por ende nuk ka marrë përgjigje. Nga përgjigja e ministrit të drejtësisë del qartë se nga fillimi i vitit 2008 deri në fund të gushtit 2023 janë krijuar 392 dosje për marrjen e shtetësisë në bazë të meritës. Këshilli i Shtetësisë i Ministrisë ka miratuar 52 propozime. Në vitin 2022 janë miratuar aplikimet për shtetësi të 8 sportistëve. Në vitin 2021, nga 15 të huaj që kanë marrë nënshtetësinë me meritë, 9 kanë qenë sportistë.