Konektiviteti i fortë dhe efikas kërkon infrastrukturë të zhvilluar mirë dhe lëvizje të papenguar të njerëzve dhe mallrave. Pranimi i Bullgarisë dhe Rumanisë në Shengen do të kontribuojë në rritjen e qëndrueshmërisë dhe prosperitetit në të gjithë rajonin dhe Evropën. Këtë e deklaruan Bullgaria, Greqia, Rumania dhe Kroacia pas takimit katërpalësh të ministrave të jashtëm në kuadër të sesionit të 78-të të Asamblesë së Përgjithshme të OKB-së. “Takimi është domethënës. Katër vendet janë anëtare të BE-së dhe NATO-së dhe kjo e bën edhe më të rëndësishëm bashkëpunimin rajonal”, komentoi zëvendëskryeministrja Maria Gabriel. Ndër temat e diskutuara në takimin katërpalësh ishin nisma “Tri detet”, konektiviteti rajonal dhe ekonomik. Si prioritetet e tyre të katër vendet vendosën ndërtimin e një korridori transporti Veri-Jug, lidhjen e infrastrukturës së transportit dhe diversifikimin e energjisë.