Festivali i djathrave të shtëpisë në fshatin Çerni Vit

botuar më 23-09-23 8.05.PD

Fshati Çerni Vit në Ballkanin Trojan po përgatitet të mirëpresë këtë fundjavë qindra të ftuar nga vendi dhe jashtë. Më 23 shtator, fshati do të presë sërish festivalin tradicional të djathrave të shtëpisë. Do të prezantohen produkte të qumështit nga rajone të ndryshme të Bullgarisë, bukë shtëpie, mjaltë, verë dhe kripë bullgare.

Organizatorët kanë planifikuar gjithashtu demonstrime për prodhimin e djathit dhe një prezantim në lidhje me bakteret që ndodhen në majanë e bukës. Festivali i kuzhinës është një rast i mrekullueshëm për të provuar djathërat tradicionalë vendas në kombinim me verërat vendase.

Emblema e Çerni Vit, e cila tërheq turistët dhe e bën të njohur Bullgarinë në ekspozitat botërore të kuzhinës, është djathi i famshëm me myk të gjelbër, i cili prodhohet vetëm në këtë fshat. Në të kaluarën, vendasit e përgatisnin djathin e tyre në enë druri. Kur djathi vendoset në shëllirë, myku i rokforit rritet mbi të. Pasi bëhet gati vendoset në një dërrasë druri. Tradicionalisht në Çerni Vit djathi bëhet vetëm nga qumështi i deleve dhe i dhisë, pohon Cvetan Dimitrov – prodhues i delikatesës unike bullgare.

Më shumë për djathin me myk të gjelbër mund të mësoni nga materiali i Radio Bullgarisë: Djathi me myk të gjelbër është një thesar kulinar nga fshati Çerni Vit - SHOQËRI (bnr.bg)

Përpiloi: Veneta Nikollova

Përgatiti në shqip: Kostandina Bello

Foto: Facebook / Празник на домашните сирена - Черни Вит

Последвайте ни и в Google News Showcase, за да научите най-важното от деня!

Ndaje

Festivali i djathrave të shtëpisë në fshatin Çerni Vit

Më shumë nga rubrika

Një ekspozitë në "Urën e të dashuruarve" në Sofje ndjek arritjet bullgare të olimpiadave shkencore

BNT feston me një program të veçantë 65 vjetorin e themelimit

Në Ditën e të Vdekurve para festës së Shën Kryeengjëllit Mihaill, përkujtojmë të ndjerët dhe japim lëmoshë

Elegjia për Krahinat Perëndimore tingëllon si një requiem

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?