Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Fati i Kishës Ruse në Sofje do të vendoset nga Kisha Ortodokse Ruse

Kisha Ruse
Foto: Ani Petrova

Qytetarë u mblodhën para Kishës Ruse në Sofje për të shprehur pakënaqësinë për mbylljen e saj. “Tempulli rus, i cili për shumë vite ka qenë një vend për lutjen e përbashkët të rusëve dhe bullgarëve, tani do të mbyllet”, tha zëdhënësja e Ministrisë së Jashtme ruse, Maria Zaharova, pas vendimit të autoriteteve bullgare për të dëbuar kreun e kishën dhe dy priftërinj bjellorusë, pasi ato përfaqësojnë një kërcënim për sigurinë kombëtare.

“Është e qartë se lidershipi aktual i Bullgarisë i ka vënë detyrë vetes të shkatërrojë jo vetëm lidhjet socio-politike, kulturore dhe humanitare midis vendeve tona, por edhe të shkelë marrëdhëniet ndërmjet kishave ortodokse motra ruse dhe bullgare dhe të futë në armiqësi popullin rus dhe atë bullgar”, shkroi menjëherë pas këtij akti më 21 tetor ambasada ruse në vendin tonë në faqen e saj në Facebook.

Ndërkaq, ministri i mbrojtjes Todor Tagarev komentoi se shërbimet tona kanë mjaft informacione bindëse se të tre u shërbejnë interesave gjeopolitike të Moskës. “Ka një raport të Agjencisë Shtetërore të Sigurisë Kombëtare (DANS) që tregon se ata po kryejnë veprime që nuk korrespondojnë me statusin e tyre në Bullgari”, tha kryeministri Nikollaj Denkov.

“Kisha Ruse në Sofje “Shën Nikollaj Mirlikijski Mrekullibërësi” në këtë fazë do të ndërpresë veprimtarinë e saj. Për fatin e saj të mëtejshëm do të vendosë Kisha Ortodokse Ruse”, thuhet në një mesazh në faqen Facebook të Ambasadës Ruse në Bullgari.

Përpara televizionit “Rusia 24”, ambasadorja ruse në vendin tonë, Eleonora Mitrofanova, bëri të ditur se ambasadori bullgar, Atanas Krëstin, do të thirret në Ministrinë e Jashtme ruse për shkak të dëbimit të tri priftërinjve. Ajo supozoi masa përgjegjëse nga pala ruse, por u sigurua: “Mendoj se askush nuk do të bëjë veprime pasqyre në lidhje me Kishën Ortodokse Bullgare në Moskë. Ne nuk jemi barbarë.”




Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Masat fiskale godasin familjet në Rumani në sfondin e një deficiti rekord Rumania po hyn në një periudhë të vështirë ekonomike dhe komentuesit parashikojnë që kriza do të zgjasë të paktën një vit. Që nga 1 gushti i këtij viti, në vend hyrën..

botuar më 25-08-09 8.10.PD
Kapiten Marin Marinov

U hap një hetim para gjyqësor në lidhje me vdekjen e kapitenit Marin Marinov në Gaza

Në Prokurorinë e Qytetit të Sofjes u hap një hetim para-gjyqësor në lidhje me vdekjen e kapitenit Marin Marinov, njofton BTA, duke iu referuar organit të akuzës shtetërore. Hetimi u hap më 19 maj pas një sinjali nga avokati Minço Spasov dhe ka të bëjë..

botuar më 25-08-07 3.33.MD
Diana Hjusein

Figura publike bënë thirrje që Bullgaria të mos heshtë për situatën në Gaza

Personalitete publike kërkuan nga shteti të marrë një qëndrim për situatën në Gaza. "Ndërkohë që në Gjykatën Ndërkombëtare të Drejtësisë pranë OKB-së po zhvillohet një proces mbi akuzat për gjenocid, Bullgaria nuk ka të drejtë morale të heshtë apo të..

botuar më 25-08-04 4.36.MD