Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria nuk do të dërgojë trupa në Ukrainë

Foto: BTA

Si një vend në formatin e Koalicionit të Gatishmërisë, Bullgaria do t'i përmbahet vendimit të Asamblesë Kombëtare dhe nuk do të dërgojë ushtarë në Ukrainë, njoftoi mbrëmë vonë kryeministri Rosen Zheljazkov. Në një takim të përbashkët informues me Presidentin e Këshillit Evropian Antonio Costa, i cili mbërriti në Bullgari në mbrëmjen e 4 shtatorit, pasi mori pjesë në takimin e Koalicionit të Gatishmërisë në Paris, Zheljazkov ishte kategorik se Bullgaria do të kontribuojë në sigurinë e Ukrainës, por pa dërguar ushtarë bullgarë. "Strategjia e Detit të Zi e iniciuar nga Bullgaria dhe Rumania është veçanërisht e rëndësishme për ne", tha Rosen Zheljazkov, duke shtuar se Bullgaria planifikon të investojë në kapacitete kyçe ushtarake. Vendi ynë po punon së bashku me shtetet e tjera anëtare për të blerë sisteme mbrojtëse, veçanërisht mbrojtje ajrore, mbrojtje raketore, artileri dhe dronë, tha gjithashtu kryeministri.

Nga ana e tij, Presidenti i Këshillit Evropian Antonio Costa shtoi se secili vend do të vendosë sipas ligjeve të tij se si saktësisht do të marrë pjesë - në tokë, në Detin e Zi apo nga ajri, secili vend do të vendosë sipas rregullave të tij kushtetuese. Mbështetja financiare do të ofrohet nga BE-ja dhe misioni për trajnimin dhe rindërtimin e forcave ukrainase do të zgjerohet. Industria mbrojtëse e Kievit do të mbështetet gjithashtu.

Costa theksoi se garancia më e madhe për sigurinë e Ukrainës që Bashkimi Evropian mund të ofrojë është pranimi i saj në Bashkimin Evropian.

Vizita e Costas është pjesë e një turneu në kryeqytetet e shteteve anëtare të BE-së, me qëllim shkëmbimin dhe mbledhjen e pikëpamjeve të krerëve të shteteve dhe qeverive mbi temat aktuale në BE.

Zheljazkov dhe Costa diskutuan gjithashtu zgjerimin e Bashkimit Evropian me vendet e Ballkanit Perëndimor, të cilin Presidenti i Këshillit Evropian e përcaktoi edhe një herë si investimin më të madh gjeopolitik.

Lidhur me pranimin e ardhshëm në eurozonë, Zheljazkov theksoi se Bullgaria dëshiron që qasja të jetë e balancuar.

Redaktoi: Darina Grigorova

Përgatiti në shqip dhe publikoi: Vesella Mançeva

Foto:BTA




Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Kosova renditet e para për ndjenjën e sigurisë në Evropë Një raport ndërkombëtar i Gallup në shtator e renditi Kosovën midis vendeve më të sigurta në botë. Vendi ballkanik renditet i treti globalisht dhe i pari në Evropë për sa..

botuar më 25-09-26 7.05.MD
Sh. e Tij Haxhi Bajraktari (djathtas) dhe Ministri Daniell Mitov

Bullgaria shprehu mbështetje për integrimin evropian të Kosovës

Ministri i Brendshëm Daniell Mitov zhvilloi një takim pune me Ambasadorin e Republikës së Kosovës në Sofje, Sh. e Tij Haxhi Bajraktari. U diskutua bashkëpunimi dypalësh në fushën e punëve të brendshme dhe mundësitë për thellimin e tij. Ministri i..

botuar më 25-09-26 5.47.MD

Bullgaria iu bashkua deklaratës së përbashkët të OKB-së të 35 vendeve mbi Ukrainën

Ministri i Jashtëm i Bullgrisë Georg Georgiev mori pjesë në një deklaratë të përbashkët për median gjatë sesionit të 80-të të Asamblesë së Përgjithshme të OKB-së, njoftoi Ministria e Jashtme. Së bashku me Ministrin e Jashtëm ukrainas Andri Sibiha dhe..

botuar më 25-09-24 11.42.PD