Lëvizja për të Drejtat dhe Liritë (DPS) nuk do të propozojë kandidatë për kryetar të kryeqytetit, dhe nuk do të mbështesë kandidat të forcës tjetër - edhe në balotazh, njoftoi deputeti i DPS-së, Deljan Peevski.

Në lidhje me kandidaturën e gazetarit Anton Hekimjan për kryetar të komunës së Sofjes të shpallur sot nga GERB, kandidati i PP-DB-së Vasill Terziev tha se përpjekjet e gazetarëve për të hyrë në politikë nuk përfunduan mirë. “Që të funksionojë mirë një shoqëri, duhet të ketë një mur kinez midis medias dhe politikës”, shtoi ai.

Sipas kreut të BSP Kornelija Ninova, kandidatura e Anton Hekimjan ngre më shumë pyetje sesa jep përgjigje. Ajo iu drejtua liderit të GERB-it Bojko Borisov me dy pyetje - a ishte kandidati për kryetar bashkie njeriu i tij personal në mediat private për të cilat ai punonte; a ia shiti Sofjen një tjetri për të fituar kundrejt angazhimit për të mos hetuar kryetaren e mëparshme Jordanka Fëndakova dhe “të gjithë skemën korruptive në komunë prej vitesh”.

Pas nominimit të GERB-it, kreu i “Vëzrazhdane” Kostadin Kostadin parashikoi se kandidati i partisë së tyre do të shkojë në balotazh në kryeqytet. Sipas tij, në vendin tonë pothuajse nuk ka mbetur asnjë gazetari e pavarur dhe objektive.

• Pas 18 vitesh qeverisje në Sofje, GERB propozon një gazetar si kryetar bashkie