Nuk ka asnjë rrezik për Bullgarinë nga kërcënimet e përgjithshme të veprimtarisë terroriste. Kërcënimi është në nivelin më të ulët - i treti, që do të thotë se duhet vëmendje, tha kryeministri Nikollaj Denkov në një konferencë në Këshillin e Ministrave pas një takimi të Qendrës Kombëtare Kundër Terrorizmit. Dy takime të qendrës u mbajtën tashmë që nga sulmi palestinez nga “Hamasi” kundër Izraelit. Për vendet me rrezik të shtuar - aeroportet, stacionet hekurudhore, sinagogat, turistët nga Izraeli, niveli i rrezikut është rritur në nivelin e verdhë - vëmendje, theksoi Denkov dhe shtoi se sa i përket institucioneve shtetërore, niveli mbetet më i ulëti i mundshëm - jeshil.

Rreziku i infiltrimit të anëtarëve të organizatave terroriste përmes flukseve të refugjatëve në Bullgari mbetet, theksoi në konferencë kryetari i Agjencisë për Siguri Kombëtare, Plamen Tonçev.