Pas sulmeve befasuese terroriste të organizatës “Hamas” ndaj shtetit të Izraelit, autoritetet bullgare e vlerësuan të ulët nivelin e kërcënimit terrorist ndaj vendit tonë. Përjashtim janë aeroportet, stacionet e trenit, sinagogat, turistët nga shteti i Izraelit, ndaj të cilëve rreziku është rritur në të verdhë.
Deri më tani nuk ka pasur asnjë valë refugjatësh nga Izraeli në territorin e Bullgarisë, tha për Radio Bullgarinë Maksim Dellçev, drejtor arsimor në Organizatën e Hebrenjve në Bullgari – “Shalom”. Ata mbështesin punën e Ambasadës së Izraelit në vendin tonë në lidhje me hebrenjtë që kanë nevojë për ndihmë.
“Për momentin nuk ka hebrenj që kanë mbërritur në territorin bullgar, të cilët janë refugjatë në kuptimin e së drejtës ndërkombëtare – saktësoi Maksim Dellçev. - Detyra jonë tani është të ndihmojmë izraelitët që kanë ardhur këtu me pushime, pasi ju e dini se Bullgaria është një destinacion turistik dhe fluturimet e tyre tani janë anuluar. Ne mund t'i ndihmojmë ata të gjejnë strehë ose t'u sigurojmë gjërat që u nevojiten në lidhje me fenë hebraike."
Dellçev siguroi se po punojnë për çdo rast dhe kërkesë për ndihmë që marrin, por as ai dhe as ambasada izraelite në vendin tonë nuk kanë informacion për numrin e qytetarëve izraelitë në territorin bullgar.
“Lutjet e mia janë që një zgjidhje paqësore e çështjes të arrihet sa më shpejt të jetë e mundur dhe që përgjegjësit për këtë përshkallëzim të marrin përgjegjësinë e tyre. Sa do të zgjasë, shpresoj se do të kalojë shpejt dhe me kosto më të vogël të viktimave”, tha përfaqësuesi i Shalom, Maksim Dellçev.
“Lutjet e mia janë që një zgjidhje paqësore e çështjes të arrihet sa më shpejt të jetë e mundur dhe që përgjegjësit për këtë përshkallëzim të marrin përgjegjësinë e tyre. Sa do të zgjasë, shpresoj se e gjithë kjo do të kalojë shpejt dhe me më pak viktima”, tha përfaqësuesi i “Shalom”, Maksim Dellçev.
Lexoni më tepër:
Viti i ri shkollor në Shkollën e së dielës “Hristo Botev” në Tiranë u hap në mënyrë solemne më 15 shtator , njofton Ambasada e Bullgarisë në Shqipëri përmes një postimi në faqen e saj zyrtare në Facebook . “Për herë të parë, shkolla do të..
Të gjithë e dinë shprehjen ironike "dimri na habiti përsëri", të cilën, herë me buzëqeshje, herë me acarim, bullgarët e përsërisin pas reshjeve të para të dëborës dhe trazirave që pasojnë. Tani ndoshta ka ardhur koha për një parafrazim -..
Gjatë disa dekadave të fundit, komuniteti bullgar në Mbretërinë e Bashkuar është rritur ndjeshëm, dhe bashkë me këtë edhe nevoja për ruajtjen e gjuhës amtare dhe të identitetit kulturor. Një rol të rëndësishëm në këtë proces luajnë shkollat bullgare, të..
Përmbytjet e radhës në bregdetin e Detit të Zi janë rezultat i ndërtimit të pakontrolluar, mjedisit natyror të shkatërruar dhe mosveprimit institucional,..
Vranësira të dendura me shi
Reshje të shkurta
Reshje