Vendi i Bullgarisë është në Shengen, deklaroi në një intervistë për BNR nënkryetarja e Komisionit Evropian Vera Jourova, e cila po viziton vendin tonë për të marrë pjesë në takimin e parë vjetor të Forumit Kushtetues Ballkanik. Ajo konfirmoi se vendi ynë i plotëson të gjitha kriteret për të qenë pjesë e hapësirës pa viza. "Komisioni Evropian, të cilin unë e përfaqësoj, tha qartë: 'Bullgaria meriton të hyjë në Shengen së shpejti' Unë personalisht, si një grua çeke, më vjen keq që kjo nuk ndodhi vitin e kaluar, kur ishte Presidenca Çeke. Unë besoj se bullgarët si shoqëri po bëjnë gjithçka që është e mundur për të kaluar këtë pengesë dhe për t'u bashkuar me zonën Shengen", tha Jourova për gazetaren e BNR-së, Marta Mlladenova.