Gjatë natës mbi vend do të ketë vranësira të shpërndara kryesisht të larta. Pas mesnate do të krijohet mjegull ose vranësira të ulëta vende-vende në ultësira dhe rreth pellgjeve ujore. Do të fryjë erë e dobët, në Bullgarinë Lindore - erë mesatare nga jug-jugperëndimi. Temperaturat minimale në shumicën e zonave do të lëvizin ndërmjet 3° dhe 8°, në Sofje rreth 2°.

Ditën e mërkurë në vend do të kalojë një front i ftohtë atmosferik. Vranësirat nga veriperëndimi do të rriten dhe në disa vende nga perëndimi drejt lindjes do të bjerë shi. Akoma para mesditës era do të zhvendoset nga veriperëndimi duke sjellë me vete edhe ajër të ftohtë. Temperaturat maksimale do të jenë ndërmjet 16° dhe 21°, në Sofje rreth 15°.

Në male vranësirat do të shtohen dhe vende-vende do të bjerë shi, mbi 2200 metra – borë. Do të fryjë erë e fortë veriperëndimore. Temperatura maksimale në një lartësi prej 1200 metrash do të jetë rreth 13°, në 2000 metra - rreth 6°.