Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shumica qeverisëse e ndarë për naftën e “Lukoil”-it

Deljan Dobrev dhe Desisllava Atanasova
Foto: BTA

Jo në një periudhë tri ditore, por që dje, “Lukoil” ishte gati të kalonte në naftë tërësisht jo-ruse, me një kapacitet të reduktuar operativ në “Neftohim”, por të mjaftueshëm për të kënaqur vendin me karburante. Kështu deklaroi para gazetarëve Deljan Dobrev, kryetar i Komisionit Parlamentar të Energjetikës dhe deputet nga grupi GERB-SDS. Së bashku me kryetaren e grupit, Desisllava Atanasova, ata u larguan para përfundimit të mbledhjes së Këshillit të Sigurimit pranë Këshillit të Ministrave, ku po diskutohej propozimi për ndalimin e përdorimit të naftës ruse në rafinerinë në Burgas. Në takim u bë e qartë se pavarësisht regjimit të sanksioneve dhe derogimit për të lejuar që karburantet me origjinë ruse të shiten vetëm në vend dhe në Ukrainë, më shumë se 50% e karburanteve të prodhuara të “Lukoil” eksportohen në të gjithë botën.

"Koalicioni Putin është një fakt. Një takim jashtëzakonisht i kotë. Një humbje kohe për ne", tha kryetari i grupit parlamentar të Lëvizjes për të Drejtat dhe Liritë (DPS) Deljan Peevski, i cili gjithashtu u largua nga këshilli para afatit.

Ndalimi i naftës ruse para 1 marsit do të sillte rreziqe të mëdha, deklaroi pas këshillit bashkëkryetari i "Po e vazhdojmë ndryshimin - Bullgaria Demokratike" Kirill Petkov. Bëhet fjalë edhe për të hyra tatimore në thesar prej afro 200 milionë euro deri në fund të vitit dhe nga 25 deri në 50 milionë deri në mars, tha Petkov.

Kryeministri Nikollaj Denkov deklaroi se Këshilli vendosi të mos zbatojë pezullimin e shpejtë të përdorimit të naftës ruse të kërkuar nga GERB dhe DPS, sepse është e rrezikshme për çmimet dhe furnizimet e karburanteve në vend.




Последвайте ни и в Google News Showcase, за да научите най-важното от деня!

Më shumë nga rubrika

Do të bjerë shi mbi Bullgarinë Perëndimore, do të jetë me diell në bregdetin e Detit të Zi

Të martën , temperaturat minimale do të jenë nga 15 deri në 21°, në Sofje - 15°. Gjatë ditës do të jetë me diell. Mbi Bullgarinë Perëndimore dhe Qendrore, moti do të jetë me vranësira dhe në shumë vende do të ketë reshje afatshkurtra, kryesisht në..

botuar më 25-08-04 7.40.MD
Shkaba egjiptiane

Një shkabë egjiptiane është helmuar pranë Krumovgradit

Një shkabë egjiptiane e ngordhur është gjetur pranë fshatit Hrastovo, në afërsi të qytetit Krumovgrad, njoftoi zyra e shtypit e Drejtorisë Rajonale të MPB në Kërxhali. Nga shpendi, i cili është një specie e mbrojtur, janë marrë mostra për analizë...

botuar më 25-08-04 6.48.MD
Foto: Marti Dimov/Facebook

Do të duhet gjysmë shekulli për të rikthyer pyjet e djegura në Pirin

Më shumë se 45 000 hektarë pyje në malin Pirin janë shkatërruar nga zjarret që nga 25 korriku. Ende ka shpërthime lokale në terren, tha për BTA drejtori i Pylltarisë Shtetërore në Strumjani, Ivan Rizov. Deri më tani, të dhënat mbi..

botuar më 25-08-04 1.30.MD