Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Nën spërkatjen e ujëvarës Gyrlek në Rodopet Lindore

Foto: YouTube / БНР - Radio Kërxhali

Në një zonë të bukur në Rodopet Lindore, hasim një mrekulli të vërtetë natyrore - ujëvarën Gyrlek. Pak njerëz e dinë për të, pasi ndodhet larg shtegut të rrahur turistik. Por kohët e fundit, gjithnjë e më shumë turistë po vijnë këtu për të komunikuar me natyrën dhe për të ndjerë fuqinë jetëdhënëse që rrjedh nga spërkatjet e ujit. Vjeshta, kur mali ka veshur rrobat e tij më të bukura, është stina e përkryer për një shëtitje në ujëvarën e fshehur në pyllin e tij.

BNR - Kërxhali publikoi në Facebook një video të shkurtër të këtij këndi përrallor. Shikoni atë:

Ujëvara quhet edhe Gylek, që përkthehet si "ulërimë e madhe". Ndodhet pranë fshatit piktoresk të malit Rodopa Daskallovo në komunën Çernooçene. Uji zbret nga jo shumë lart - rreth 10 m, por pamja është mbresëlënëse. Vendasit pohojnë se ujëvara nuk thahet kurrë, edhe në ditët më të nxehta të gushtit.

Përveç kësaj, Gyrlek është lehtësisht i aksesueshëm dhe i përshtatshëm për ekskursione nga familjet me fëmijë të vegjël. Mund të parkoni në rrugë, ku është shënuar një zgjerim i vogël, pas së cilës do të keni rreth një kilometër e gjysmë zbritje të lehtë. Gjatë kësaj kohe, do të mrekulloheni me pamjet e bukura natyrore dhe ujëvara do t'ju mirëpresë nga larg me këngën gurgulluese të ujërave të saj të kristaltë.

Në zonë ju rekomandojmë të vizitoni fshatin e gurtë Nenkovo me urën me litar, e cila është e vetmja lidhje e tij me qytetërimin. Në shkëmbinjtë e afërt do të gjeni gjurmë të kamareve misterioze trapezoidale të gdhendura mijëra vjet më parë nga një qytetërim i lashtë. Në përgjithësi, të gjitha Rodopet Lindore janë të mbushura me këto krijime të pashpjegueshme njerëzore. Shëtitjen drejt ujëvarës së Gylekut mund ta kombinoni me një vizitë në shpellën e famshme “Utrobata”, që ndodhet afër fshatit Nenkovo.

Lexoni më shumë:


Tekst: Veneta Nikollova

Përgatiti në shqip dhe publikoi: Svetllana Dimitrova

Foto: YouTube / BNR – Radio Kërxhali




Последвайте ни и в Google News Showcase, за да научите най-важното от деня!

Më shumë nga rubrika

Ngjitja e gjelinës, përgatitja e kuskusit, fotografimi me kostume popullore – Ribnovo i hapet botës

Ribnovo, fshati magnetik i Rodopеvе, i cili deri një dekadë më parë ishte në botën e tij të mbyllur larg globalizimit, tani mirëpret ngrohtësisht turistët. Banorët e tij janë bullgarë muhamedanë dhe dallohen për mënyrën e tyre të ruajtur të jetesës,..

botuar më 25-02-02 8.30.PD

120 vjet nga ngjitja e parë dimërore e majës Çerni Vrëh në Vitosha

Më 31 janar të vitit 1905, 15 studentë entuziastë u ngjitën për herë të parë gjatë dimrit në majën më të lartë të malit Vitosha, rrëzë së cilës ndodhet Sofja - Çerni Vrëh /2290 m/. Të rinjtë u mblodhën më 30 janar 1905 në mesditë në zonën “Koru..

botuar më 25-01-31 8.15.PD

Turizmi bullgar i gjuetisë merr pjesë në ekspozitën ndërkombëtare "Jagd &Hund"

Deri më 2 shkurt, në Ekspozitën Ndërkombëtare të Gjuetisë "Jagd & Hund" në Dortmund të Gjermanisë, Bullgaria do të prezantohet me një rekord botëror trofe për një derr të egër nga Ferma Shtetërore e Gjuetisë "Kormisosh". Çdo vit, ngjarja mbledh së..

botuar më 25-01-30 10.08.PD