"Hristofor Radanov - vetëm 80 vjeç" - kështu titullohet koncerti i Orkestrës për Muzikë Popullore të Radios Kombëtare Bullgare, me të cilin dirigjenti dhe kompozitori i njohur do të festojë përvjetorin e tij.

Na pret një ngjarje e jashtëzakonshme festive, pasi muzika e dirigjentit shumëvjeçar të orkestrës ka një tingull festiv. Më 7 dhjetor, në studion e parë të BNR-së, me dirigjent Dimitër Hristov, do të dëgjojmë edhe këngëtarët Gergana Dimitrova, Sorina Bogomilova, Ljubomir Petov, për të cilët Hristofor Radanov ka krijuar ndër vite aranzhime, si dhe solistët e Orkestrës për Muzikë Popullore Kostadin Gençev (fyell) dhe Petjo Kostadinov (gajde). Të ftuar specialë në këtë aktivitet janë këngëtarë dhe instrumentistë të rinj të cilët do të performojnë aranzhime për ansambël vokal dhe pjesë origjinale për orkestër.