Ish-sulmuesi i “Manchester United”, “Tottenham” dhe i kombëtares bullgare, Dimitër Berbatov, njoftoi se është kandidat për kryetar të Bashkimit Bullgar të Futbollit (BFS) dhe do të paraqitet në kongresin e jashtëzakonshëm më 15 mars. “Shpresoj që Kongresi të mbahet me ndershmëri, në mënyrë transparente dhe të mos ketë cirqe që askush nuk dëshiron t'i shohë”, tha sfiduesi. Ai u bëri thirrje kandidatëve të tjerë që të paraqesin programet dhe ekipet e tyre, së bashku të mbajnë një takim paraprak me kryeministrin dhe ministrin e sportit dhe “të luftojmë së bashku për mbajtjen e një kongresi transparent”. Ai këmbënguli që drejtimi i Federatës Bullgare të Futbollit të jetë deri në 3 mandate ose 12 vjet, të cilat mjaftojnë që një kryetar të tregojë se çfarë mund të bëjë. Kongresi i fundit, në të cilin Berbatov u shfaq dhe humbi nga Borisllav Mihajllov, ishte në tetor të vitit 2021. Mihajllov ka 18 vjet që drejton Bashkimin.
Tenisti më i mirë bullgar Grigor Dimitrov u ngjit me një pozicion në renditjen e Shoqatës së Profesionistëve të Tenisit (ATP). Javën e kaluar, Grigor mori pjesë në turneun e serisë Masters në kryeqytetin spanjoll Madrid, ku arriti në raundin e katërt..
Ansambli bullgar i vajzave fitoi të tre medaljet e arta në Kupën Evropiane të Gjimnastikës Ritmike në Baku. Raja Bozhillova, Joana Moteva, Anania Dimitrova, Gabriella Trajkova, Ivajlla Vellkovska dhe Elena Hristova, të cilat u bënë kampione..
Ditën e parë të Kampionatit Botëror të Peshëngritjes për të Rinj, Vajza dhe Djem në Lima, Bojana Kostadinova fitoi dy medalje. Te vajzat nën 17 vjeç, në kategorinë 49 kilogramë, ajo arriti medaljen e bronztë në dygarësh me 164 kilogramë. Në shtytje me..