Sipas projektit të Shoqatës "Bullgarët në Shqipëri", me mbështetje financiare dhe logjistike nga shteti bullgar, u ndërruan dritaret dhe dyert në shkollën e fshatit malor Cërnalevë, i cili bie në rajonin historiko-gjeografik të Gorës në Shqipërinë e Veriut.
Rreth një muaj më parë, gjatë një kontrolli të përbashkët në vend, përfaqësues të Shoqatës dhe Ambasadës Bullgare në Tiranë konstatuan zona tejet të komprometuara në godinën e shkollës. Inspektimi përkoi me vizitën e një ekipi të “Radio Bullgarisë” të BNR-së në vend. Siç shikoi atëherë ekipi ynë, shumë prej dhomave nuk kishin dritare, gjë që e bënte të pamundur procesin arsimor.

Dyert dhe dritaret tashmë u zëvendësuam me të reja dhe punimet e mbarimit janë duke u bërë, njoftojnë për Radio Bullgarinë nga Ambasada Bullgare në Tiranë.

Kjo do të qetësojë prindërit dhe mësuesit e fëmijëve, të cilët nuk do të mësojnë më në dhoma të ftohta të klasës, por do të marrin njohuri në kushte dukshëm më të mira.

Nuk është hera e parë që Bullgaria ndihmon zhvillimin e komunës së Kukusit, së cilës i përkasin fshatrat e Gorës, duke realizuar projekte të ndryshme - rindërtimi i një kopshti fëmijësh në qytetin e Kukusit dhe krijimi i një salle kompjuteri në një nga shkollat.
Në fotot në galeri dhe ato që shoqërojnë postimin mund të shihni shkollën para dhe pas rinovimit
Foto: Krasimir Martinov, Kostandina Bello, Ambasada e Republikës së Bullgarisë në Tiranë
"Gëzimi që shihni në sytë e njerëzve që keni ndihmuar nuk mund të përshkruhet me fjalë, duhet të përjetohet!" Kjo u nda nga Veneta Terzieva dhe Valentin Grigorov në Ditën e Iluministëve të Popullit më 1 nëntor. Të dy kanë ndihmuar bullgarë të..
Nga 1 janari 2026, tarifa për lëshimin e një karte identiteti me një periudhë vlefshmërie prej 10 vitesh për një person të moshës 18 deri në 70 vjeç do të jetë 15.34 euro (30 leva), sipas një Dekreti të Këshillit të Ministrave për ndryshimin e..
Me bekimin e Sinodit të Shenjtë të Kishës Ortodokse Bullgare, në faqen zyrtare të Patrikanës që nga data 1 nëntor është i disponueshëm një aplikacion celular për besimtarët. Në versionin e parë, aplikacioni përfshin seksione kryesore si: “Bibla –..