Shpresojmë që Bullgaria të bëhet anëtare e plotë e Shengenit dhe në rrugë tokësore në fund të vitit 2024, tha për BNT ministri i transportit Georgi Gvozdejkov. Kjo do të ndodhë njëkohësisht me hyrjen në Eurozonë. “Shengeni është një mundësi për zhvillim të lartë ekonomik dhe u jep akses të shpejtë mallrave dhe njerëzve. Lëvizja e përshpejtuar do të rrisë treguesit ekonomikë”, shpjegoi ministri. “Për momentin kapaciteti i kufijve është jashtëzakonisht i ngarkuar dhe regjimi i kontrollit duhet të lehtësohet, por të zbatohet rreptësishtë”, shtoi ministri.

Ndërkohë, një raport i Gjykatës së Audituesve rekomandon që ministri i transportit t'i japë me koncesion portet e Varnës dhe Burgasit. Dokumenti kujton se operatorët shtetërorë të porteve janë të përkohshëm dhe të privilegjuar, duke mos paguar tarifa për shfrytëzimin e pronës publike shtetërore.