Në këtë ditë të vitit 2011 u largua nga kjo botë emblema e këngës popullore të krahinës trake, Nadka Karaxhova. Në moshën 73-vjeçare, ajo la pas qindra këngë të regjistruara për Radion Kombëtare Bullgare, Televizionin Kombëtar Bullgar dhe ish-kompaninë muzikore shtetërore "Balkanton".

"Mjeshtëri e klasës më të lartë - vetëm kështu mund të flitet për performancat e saj, shumica e të cilave janë bërë një shembull i arritjeve kryesore të artit të këngës popullore bullgare" - kështu e përshkruajnë specialistët fenomenin e Nadka Karaxhova. Adhuruesit e këtij zëri janë në të gjithë botën. Ajo njihet si për interpretimet e saj solo, ashtu edhe si pjesë e ansamblit legjendar “Filip Kutev”,  kuartetit “Sllavej” (“Bilbili”), dhe e ansambleve të tjera muzikore. Dhe këngët e saj prej kohësh i kanë kaluar kufijtë e atdheut, duke u bërë pjesë e trashëgimisë muzikore botërore.

Le ta kujtojmë Nadka Karaxhovën me nderim dhe respekt në një botim të Radio Bullgarisë nga viti 2011 - "Ndarje me Nadka Karaxhovën", si dhe në materialet që lidhen me emrin e saj nga arkivi i Radio Bullgarisë.

Nderim në kujtim të këngëtares së madhe Nadka Karaxhova!

• Ndarje me Nadka Karaxhovën

• 85 vjet nga lindja e bilbilit të Trakisë – këngëtarja Nadka Karaxhova

• Kuarteti “Sllavej” – 30 vjet dritë, muzikë dhe dashuri
  

• Një kujtim për këngëtaren e madhe Nadka Karaxhova

• Bilbilet e Nadka Karaxhovës – 25 vjet në majat muzikore

• Edicioni i IV i Konkursit kombëtar folklorik “Bilbili këndon”

• Ilia Argirov dhe Nadka Karaxhova – zërat mahnitës të muzikës folklorike

Përpiloi: Krasimir Martinov

Përgatiti në shqip dhe publikoi: Vesella Mançeva