30 vjet më parë, ndërtesa madhështore e Reichstagut në Berlin u vesh me pëlhurë argjendi në një nga aksionet më spektakolare nga artisti me origjinë bullgare Kristo (Christo Javacheff) dhe gruaja e tij Jeanne-Claude. Tani një instalacion ndriçues e ringjall këtë ngjarje, raportoi Agjencia Telegrafike Bullgare (BTA). Deri më 20 qershor, pas perëndimit të diellit, në fasadën e Reichstagut, njëzet e katër projektorë të fuqishëm të montuar në skela riprodhojnë një imazh të mbështjelljes së argjendtë të parlamentit gjerman nga viti 1995. Festimi i 30-vjetorit synon të "bashkojë të gjithë ata që jetojnë dhe е vizitojnë këtë qytet për të përkujtuar atë që ndodhi në atë kohë", vërejnë organizatorët.
Ideja origjinale e dyshes artistike me famë botërore Christo dhe Jeanne-Claude përfshinte 110 000 metra katrorë pëlhurë argjendi që mbështillte plotësisht ndërtesën e parlamentit. U deshën më shumë se njëzet vjet që ideja mbresëlënëse të shihte dritën e ditës. Zbatimi u parapri nga debate të nxehta në qarqet politike, përpara se të bëhej një sukses i madh për bullgarin e njohur ndërkombëtarisht.
Më 13 qershor të këtij viti, Christo dhe Jeanne-Claude do të mbushnin 90 vjeç, dhe tre nga projektet e tyre më të mëdha festojnë përvjetorë. Këto janë "Portat" në Nju Jork, e krijuar në vitin 2005, mbështjellja e Rajhstagut (që nga viti 1995) dhe ajo e urës më të vjetër në Paris - Pont-Neuf (që nga viti 1985).
Lexoni më tepër në arkivin e Radio Bullgarisë:
Përpiloi: Gergana Mançeva
Përgatiti në shqip dhe publikoi: Vesella Mançeva
Foto: AFP, DPA, EPA/BGNES,АP/BТА
Biblioteka Rajonale “Pejo K. Javorov” në Burgas është mikpritëse e forumit me temë: “Burgasi – pikë ndërthurjeje e trashëgimisë industriale, ndjeshmërisë ekologjike dhe potencialit kulturor”, njoftojnë organizatorët nga ekipi i Fondacionit Bullgar për..
Në vitin 2025 shënohen 80 vjet nga bombardimi atomik mbi qytetin japonez Hiroshima. Sipas traditës, në shenjë solidariteti me viktimat e sulmit, çdo vit më 6 gusht shoqëria bullgare ka mundësi të shohë një relikte unike – “Guri nga Hiroshima”. Ai..
Më 6 gusht, Kisha Ortodokse Bullgare kremton një nga Dymbëdhjetë Festat e Mëdha të Zotit – Shpërfytyrimin e Zotit tonë Jezu Krisht. Kjo festë lidhet me një nga ngjarjet më të rëndësishme ungjillore – shfaqjen e Jezu Krishtit në lavdinë e Tij qiellore..
Biblioteka Rajonale “Pejo K. Javorov” në Burgas është mikpritëse e forumit me temë: “Burgasi – pikë ndërthurjeje e trashëgimisë industriale, ndjeshmërisë..