Në ambientet radiodashëse pranohet dërgimi dhe marrja e të ashtuquajturave Kartolina QSL – konfirmim me shkrim i një lidhje radioje të realizuar. Emri rrjedh nga kodi në të cilin "QSL?" do të thotë "A konfirmoni pranimin?" dhe "QSL" do të thotë "Konfirmoj pranimin".
Radio Bullgaria, si pjesë e familjes së Radios Kombëtare Bullgare, gjithashtu ka një traditë shumëvjeçare të konfirmimit të transmetimeve të saj, fillimisht në valë të shkurtra dhe të mesme, dhe më pas në programet në 10 gjuhë në faqen e saj të internetit.
Pasi Radio Sofja filloi të dëgjohej në Evropë, në Afrikën e Veriut dhe Amerikën e Veriut filloi të dërgonte Kartolina QSL. Seritë e atëhershme ishin 3 me 36 Kartolina QSL secila. Pasardhësi i drejtpërdrejtë i transmetimeve jashtë vendit është Radio Bullgaria, e cila vazhdon traditën e dërgimit të konfirmimeve për një lidhje radiofonike të realizuar.
Në vitin 1992, artisti Teodor Ushev krijoi për provë 3 Kartolina QSL, me të cilat mori pjesë në konkursin kanadez "Grafika kompjuterike e aplikuar" dhe me njërën prej tyre fitoi çmimin e madh. Kjo kartolinë konsiderohet të jetë QSL-ja e parë zyrtare e Radio Bullgarisë.
Më vonë Ushev pikturoi edhe serinë prej 6 QSL-ve të quajtura “Monitor Club”. Dhe përsëri njëri prej tyre u shpërblye me vendin e parë në konkursin në Kanada.
Të gjitha kartolinat janë bërë në stilin karakteristik të artistit bullgar tashmë me famë botërore - një kombinim i dizajnit grafik dhe imagjinatës së pasur.
Radio Bullgaria ndër vite vazhdon të dërgojë kartolina me pamje të ndryshme, pika turistike dhe bukuri të ndryshme të Bullgarisë.
Dhe tani Radio Bullgaria ka përgatitur një dhuratë për ju - kushdo që dëshiron mund të marrë serinë e Kartolinave QSL të artistit Teodor Ushev. Për këtë, mjafton të na dërgoni një email në kutinë tonë të re postare reception.report@bnr.bg ose në adresën: Bullgari, Sofje, 1040, bulevard Dragan Tsankov Nr. 4, BNR, Desislava Semkovska. Duhet me patjetër të shënoni një adresë kthimi.
Jemi në pritje të kartolinave tuaja!
Përgatiti në shqip dhe publikoi: Kostandina Bello
Te nderuar dëgjues, në programin tonë të sotëm do t’ju tregojmë së pari për sukseset e Bullgarisë në zhvillimin e ushqimeve hapësinore. Pas kësaj do t’ju ofrojmë informacione për mundësitë për investime në kohët e sotme dinamike. Në..
Më 6 maj, Dita e Shën Gjergjit dhe e Ushtrisë Bullgare, do t’ju tregojmë për kishën bullgare "Shën Gjergji Fitimtar" në Edrene, e cila feston 20 vjet nga restaurimi i saj. Pas kësaj do të mësoni se si u krijua kompania kombëtare..
Java, e cila e paraprin festën e madhe të krishtere të Ngjalljes së Zotit Jisu Krisht quhet E Madhe. Emri vjen nga vuajtjet e mëdha të Shpëtimtarit, të cilat ai i përjetoi për shpëtimin e fisit njerëzor. Java e Madhe është një javë e trishtuar dhe e..
Më 6 maj, Dita e Shën Gjergjit dhe e Ushtrisë Bullgare, do t’ju tregojmë për kishën bullgare "Shën Gjergji Fitimtar" në Edrene, e cila feston 20..
Te nderuar dëgjues, në programin tonë të sotëm do t’ju tregojmë së pari për sukseset e Bullgarisë në zhvillimin e ushqimeve hapësinore. Pas..