Punëtorët në transportin publik të Sofjes po fillojnë protestë në orën 8 të mëngjesit të 18 janarit me kërkesën për rritje të pagave prej 30%, njoftoi Konfederatave e Sindikatave të Pavarura /KNSB/. Protesta është organizuar nga Federata e Sindikatave të Transportit pranë KNSB-së. Ajo do të mbahet në lagjen e kryeqytetit “Druzhba” në stacionin e fundit të disa linjave të autobusëve (4, 88, 204, 304, 384 dhe linja e natës 4). Lëvizja e linjave të prekura do të pengohet dhe ka mundësi që të pezullohen, paralajmëroi sindikata. Pagat në këtë sektor janë ngrënë nga inflacioni dhe tejkalimi i rritjes së të ardhurave në sektorin privat, duke rezultuar në mungesë të personelit në transportin publik dhe në punë jashtë orarit që pritet të kalojë 500 000 orë në 2023. Kjo ka një ndikim negativ në sigurinë e transportit publik, thekson gjithashtu KNSB.