Vetëm 21 vjeç, Aleksandër Petrov ka interesa të ndryshme që ndërthurin muzikën, poezinë dhe... mjekësinë. Ai e ka shfaqur talentin e tij muzikor në një moshë fare të re dhe po e zhvillon tashmë 18 vjeç. Aktualisht Aleksandër shkruan edhe poezi dhe është student në mjekësi.
Të gjitha këto veprimtari ai i percepton si art dhe është i bindur se jo vetëm që nuk ndërhyjnë me njëra-tjetrën, por edhe plotësojnë njëra-tjetrën, sepse të gjitha ato e krijojnë jetën. Aleksandri ka zgjedhur të shkruajë vetë tekstin e këngës së tij debutuese:
"Unë jam i mendimit që për të treguar një histori sa më autentike, duhet të kesh të paktën një pjesë të vetes - vokali nuk mjafton. Të them të drejtën, më ofruan një tekst i kësaj kënge, por nuk e ndjeva si timen dhe thashë me vete - kush do të mund ta tregonte më mirë historinë time personale se unë?!"
Kënga është e veçantë sepse dhimbja që përshkon mes rreshtave të tekstit është përjetuar personalisht nga artisti. Ai përshkruan dashurinë mes dy të dashuruarve që nuk kanë arritur të lidhin shpirtrat e tyre në momentin e duhur.
Muzika dhe aranzhimi i këngës janë të Dimitër Atanasovit.
E vumë re Momçill Kosevin që gjatë njohjes sonë me grupin SoulBmoll, ku ai është kitarist, vokalist dhe autori kryesor i këngëve të tyre. Muzikantët e grupit janë të dashur jo vetëm për publikun, por edhe për një sërë yjesh vendas që bashkëpunojnë me..
Bullgaria do të marrë pjesë në konkursin prestigjioz të këngës “Evrovizion”, i cili në vitin 2026 do të shënojë edicionin e tij të 70-të. Rikthimi i vendit është pjesë e përpjekjeve të Televizionit Kombëtar Bullgar (BNT) për të promovuar kulturën dhe..
Përgatiti në shqip dhe publikoi: Vesella Mançeva Foto: BNT - arkiv, Zdravko Petrov - BNR