Në plan politik nuk diskutohet për heqjen e kufijve tokësorë midis Bullgarisë, Rumanisë dhe Greqisë me vendim të Sofjes, Bukureshtit dhe Athinës. Një hap i tillë është në kundërshtim me rregullat e BE-së. Kështu e komentoi kryeministri Nikollaj Denkov idenë e Shengenit Ballkanik duke hyrë në takimin e Këshillit Evropian në Bruksel. 

• Komisioni Evropian nuk mund të pretendojë nëse Bullgaria, Rumania dhe Greqia bëjnë një Shengen Ballkanik

Kryeministri tha se në kuadrin e takimit do të ketë një bisedë me kancelarin gjerman Olaf Sholc. Pres të diskutojmë për prioritetet e Bullgarisë - kufijtë tokësorë në Shengen, Eurozonë. Gjithmonë kemi pasur mbështetjen e Gjermanisë, duhet të themi se cilët janë hapat e ardhshëm të rëndësishëm për të cilët presim mbështetje konkrete, shtoi Denkov, cituar nga BTA. Ai tregoi se pret që të arrihet një vendim unanim për vazhdimin e mbështetjes financiare për Ukrainën. Lidhur me propozimet e Komisionit Evropian për importin e mallrave bujqësore ukrainase, kryeministri u shpreh se, sipas të dhënave, nuk ka rritje të jashtëzakonshme të këtij importi.