Dhoma Agrare Bullgare njoftoi protesta efektive në të gjithë vendin. Strukturat vendore të dhomës nuk pranojnë masat mbështetëse të propozuara nga qeveria

vetëm kundrejt vërtetimit se kanë punuar në humbje vitin e fundit. Sipas fermerëve, deklarata tatimore për vitin e fundit definitivisht nuk mund të tregojë humbjet e prodhuesve bujqësorë, të cilat janë në rritje në tre vitet e fundit. Nuk pranohet gjithashtu shuma prej 150 milionë leva (75 milionë euro) e ofruar nga autoritetet për të mbështetur sektorët vulnerabël “qumësht”, “fruta” dhe “perime”. Sipas prodhuesve bujqësorë, nevojiten analiza të reja për një kompensim më serioz të humbjeve.

Në një hartë të veçantë, protestuesit kanë shënuar mbi 80 pika të nxehta në vend, të cilat do të bllokohen çdo ditë, për të paktën dy orë, nga mjetet e rënda. Protestave në vend i janë bashkuar edhe organizata të degëve të tjera që kërkojnë dorëheqjen e ministrit Kirill Vëtev.