Jemi të gatshëm me pikat kryesore në memorandumin e ri që propozojmë ta nënshkruajmë me prodhuesit bujqësorë - i presim për të vazhduar bisedimet dhe për ta finalizuar marrëveshjen, njoftoi në një konferencë kryeministri Nikollaj Denkov. Sipas tij, synimi është zhbllokimi i procesit sa më shpejt që të jetë e mundur, gjë që do t’i japë mundësi kabinetit që të mbështesë prodhuesit e drithit që pësuan humbje. “Çdo ditë që kalon në protesta dhe bllokada, në vend të negociatave për përgatitjen e marrëveshjes dhe zbatimin e pikave të memorandumit të ri, na vonon nga momenti kur ata që kanë vërtet nevojë për këtë ndihmë mund ta marrin atë”, theksoi kryeministri.

Mëngjesin e sotëm, Shoqata Kombëtare e Prodhuesve të Drithërave, duke bashkuar një pjesë të madhe të të punësuarve në industri, nisi aksionet e protestës pa afat.