Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ekspozita retrospektive “Turizmi në Vitosha” tregon për lidhjen mes malit dhe njerëzve

Foto: sofiahistorymuseum.bg

Emrat e turistëve të parë që "pushtuan" Vitoshën, pajisjet e tyre dhe rrugët e ngjitjes - me këto dhe shumë eksponate të tjera interesante, ekspozita "Turizmi në Vitosha - nga hapat e parë deri sot" tërheq vëmendjen e kryeqytetasve. Ajo është e e hapur në Muzeun Historik Rajonal - Sofje në formën e një ekspozite të përkohshme.

Historia e lëvizjes turistike fillon me idenë e pasçlirimit të intelektualëve të kryeqytetit për t'i parë malet si një vend për shëtitje dhe frymëzim. Rrëfimi vizual në ekspozitë ndjek zhvillimin e turizmit dhe shndërrimin e Vitoshës në një destinacion modern katër stinor.

Retrospektiva fizike e së kaluarës së Vitoshës përfshin gjithashtu veshje turistike, aksesorë për shëtitje malore, mostra dokumentesh, shenja të veçanta, certifikata e të tjera. Rrëfimi verbal i ekspozitës së Muzeut Historik Rajonal plotësohet me informacione për shpalljen e Vitoshës park natyror me dekret të Mbretit Boris III në vitin 1934. Ka të dhëna edhe për kronologjinë e ndërtesave të ngritura për strehim, çezmat dhe vendet e pushimit, rrugët e ndërtuara dhe shenjat e vendosura, shtëpitë e pushimit dhe hotelet. Pjesa dokumentare përfshin gjithashtu informacione për pjesën e teleferikëve, si dhe për pistat e skive të Vitoshës.

Foto: sofiahistorymuseum.bg

Përpiloi: Gergana Mançeva

Përktheu në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Ngjitja e gjelinës, përgatitja e kuskusit, fotografimi me kostume popullore – Ribnovo i hapet botës

Ribnovo, fshati magnetik i Rodopеvе, i cili deri një dekadë më parë ishte në botën e tij të mbyllur larg globalizimit, tani mirëpret ngrohtësisht turistët. Banorët e tij janë bullgarë muhamedanë dhe dallohen për mënyrën e tyre të ruajtur të jetesës,..

botuar më 25-02-02 8.30.PD

120 vjet nga ngjitja e parë dimërore e majës Çerni Vrëh në Vitosha

Më 31 janar të vitit 1905, 15 studentë entuziastë u ngjitën për herë të parë gjatë dimrit në majën më të lartë të malit Vitosha, rrëzë së cilës ndodhet Sofja - Çerni Vrëh /2290 m/. Të rinjtë u mblodhën më 30 janar 1905 në mesditë në zonën “Koru..

botuar më 25-01-31 8.15.PD

Turizmi bullgar i gjuetisë merr pjesë në ekspozitën ndërkombëtare "Jagd &Hund"

Deri më 2 shkurt, në Ekspozitën Ndërkombëtare të Gjuetisë "Jagd & Hund" në Dortmund të Gjermanisë, Bullgaria do të prezantohet me një rekord botëror trofe për një derr të egër nga Ferma Shtetërore e Gjuetisë "Kormisosh". Çdo vit, ngjarja mbledh së..

botuar më 25-01-30 10.08.PD