Diplomacia e BE-së duhet të jetë shumë më aktive në pikat e nxehta në fqinjësi dhe të kontribuojë në zgjidhjen e këtyre konflikteve. Këtë thirrje e bëri presidenti Rumen Radev në takimin me ambasadorët e vendeve të komunitetit të akredituar në Sofje. Në bisedet, diplomatët ngritën pyetje në lidhje me agjendën e Bullgarisë, si dhe pasojat e luftës së Rusisë kundër Ukrainës dhe luftës së Izraelit kundër Hamasit. Zhvillimi i një bashkimi stabil në sfondin e luftërave në afërsi është shumë vështirë të arrihet, theksoi Radev. Protestat e fermerëve në të gjithë Evropën sinjalizojnë një problem real dhe kërkojnë veprime konkrete nga institucionet evropiane. Krijimi i ekonomisë së gjelbër duhet të ketë parasysh aspektet sociale dhe ekonomike, e jo të çojë në humbje të konkurrencës së Evropës, theksoi Radev.